البشنيخة

البشنيخة

المقادير:

كيلو فورص
250غ زبدة مدابة
1خميرة لحلوى
راس معيلقة صغيرة خميرة الخبز
1 فاني
4 معالق كبار خل
كاس شاي من ماء الزهر
شوي ملح
الحليب الكافي للعجينة
زيت للقلي
العسل

الطريقة:
عملي حفرة فطحين حطي فيها الزبدة الخل ماء الزهر الخميرة لفاني و الملح ثم جمعيها بلحليب لعجينة متكونش رطبة دلكيها مدة 2/1 ساعة حتى ترخف عملي كويرات دلكيهم شوي بليد ثم حطيها فلمكينةدسباكيتي فالراس لي كيدير سباكيتي تعرضيلها بليد باش متكسرش ثم سرحيها فطبلة
حسبي تقريبا 5 سم وقطعي ولجوانب عصري عليهم بلآصابع باش يلصقو ملي تسالي قليهم و طفيهم فلعسل

العجين المورق

العجين المورق ساهلة وكتطلع فنة
ان شاء الله غتجربوها وغادي تفرحوا من النتيجة صدقوني تتجي فنة ومكطيح لا كتاف لا والووووووووووووووووووا
اليكم المقادير والطريقة انتوما عملوا لعبار على حسابكم القدر لي بغيتي
المقادير
500 غ طحين فورص ممتاز
500 غ زبدة ماركرينا انا استعملت اللدة تكون مقطعة مربعات صغيرة وبايتة فالتلاجة ليلة كاملة باش تكون شادة راسها مزيان
ملح شوية ماء عادي
الطريقة
ناخد الطحين ونحط مربعات الزبدة ونبدا نجمع بيدي وانا تنزيد الماء غي شوية بشوية مخصش العجين يكون رطب غي تجمع لك صافي متزيديش الماء انا فهاد المقادير استعملت كاس ونصف ماء
ردوا لبال متكتروش من الماء كنعاود نوصي غي تجمع صافي راه تتكون لعجينة قاصحة شوية وتتبان ليك باقيين طريفات الزبدة فالعجين
ملي تجمعها عمليها فبلاستيك غدائي ودخليها للتلاجة مدة 3 سوايع
نخرجها ونورقها كشي كيعرف طريقة توراق العجين المورق ونردها مرة تانية للتلاجة مدة 2 سوايع
نعاود نفس العملية ونردها تبرد مرة ثالتة مدة 2 سوايع
نعطيكم الوقت كيفاش وجدتها انا
جمعت العجين مع 10 صباحا
مع 1 مساءا طلقت الطلقة 1
مع 3 مساءا طلقت الطلقة 2
مع 5 مساءا صافي موجودة للتطبيق ورقتها بالمدلك وبديت نشكل منها داكشي لي بغيت
الا كنتوا غادي تحضروا معجنات من الافضل ملي تسرحوا العجين متخليوهش رقيق بزززاف خص السمك يكون عريض شوية وبلا متكوها بالفرشيط خليوها هاكاك
والفرن يكون سخون مزيان وبهكدا غتحصلوا على نتيجة رائعة

قضبان بالسردين

قضبان بالسردين

المقادير
نصف كيلو سردين
2 معالق كبار زيت
2 فصوص ثوم
معلقة كبيرة عصير الحامض
ملح
ابزار
تحميرة
شوية كامون
فلفلة مقطعة مربعات
خذيت السردين غسلتو
ثم زولت له الجلدة
و قسمت كل واحدة على 2 بالطول
حضرت الشرمولة في اناء
وضعت فيها السردين و خليتو مرقد نصف ساعة
قطعت السمكة على 4 السردين لي استعملت كبير الى كان صغير نقسمه على 2
لفيت شرائح السردين
ركبتهم في القضبان بالتناوب مع الفلفلة
شويتهم في الشواية من الجهتين
وبالصحة وراحة

طريقة تحضير رايبي

مقادير رايبي

لتر لبن

كاس سكر

كاس سيرو ديال الرمان

كاس حليب نيدو

ملعقة كبيرة فانيلا

نصف كاس ماء بارد

واحد دانون نكهة الفاني

طريقة تحضير رايبي

تخلط جميع المقادير جيدا في خلاط الكهربائي

 يترك لمدة ساعتين في الثلاجة

ثم يقدم رايبي بارد

الطوست المقلي

  الطوست المقلي كيجي بنين ممكن تستعملو الباريزيان 

في بلاصة الطوست يجي رائع نخليكم مع المقادير

كاس ونصف حليب
2بيضات كبار
معلقه فانيليا سائله او ساشي ديال الفاني
2 معالق كبار ونصف سكر
كنخلطوهم مزيان من بعد نظيفو
2 كيسان ديال الدقيق
نصف معلقه ملح
معلقه ونصف خميرة الحلوى

للتزين
كاس الا ربع سكر
معلقه كبيره ديال القرفه
نخلطو الكل في انية تكون غارقه شوية 

حتى ينساجمو من بعد كنجيبو التوسط ديالنا

 كنقطعوه بحال هاد الشكل الي منين في الصورة



كنغطسوه مزيان في الخليط الي حظرنا 

والي القلي مكايخدش القلي بزاف 

قابليه يتحمر من الجهتين 

وحيديه حطيه في ورق المطبخ









شفتو كيجي منفوخ وهشيش



من بعد غادي تحطوه في خليط السكر والقرفة

 تكوني محظراه قبل ماتبداي القلي 

طبق فيه ورق المطبح وطبق فيه الخليط

 باش تكوني مسربيا





وهاهو واجد ساهل ماهل وبنين 

ينفع للفطور والكوتي والوليدات يبغيوه 

ممكن تديري العسل في التزيين انت وذوقك

الرغيفات مقليين

الرغيفات مقليين هشاشين  

والاهم انهم ساهلين ومافيهمش المقادير بزاف
 





المقادير :
رابعة فورص
معلقة جنجلان
نصف معلقة صغيرة نافع انا مدرتهاش
معلقة صغيرة زبدة
ربع معلقة خمارة الحلوى
شوية خمارة معجونة
معلقة كبيرة سنيدة
شوية ملح
اصفر بيضة
لجمع العجين حاجتنا لماء دافي مخلط مع شوية زعفران 

ونصف كاس صغير ماء زهر
الطريقة : نخلط النواشف مع اصفر بيضة

 ونبسبس بيدينا من بعد نضيف الماء الكافي

 للي مخلط بماء زهر وزعفران تكون مقاصحة 

ما مضقصة وندلكها ونخليها ترتاح



من بعد نسرحها بالدلاك ونقطعها مربعات او دوائر

 للي حبيتو منستاعملوش الزيت 

فاش نبغيو نسروحا نكتفيو فقط بالدقيق





ولما نقطعها نقليها في زيت ساخن ونستقطرها 

ونرشها بالعسل ونرشي بالزنجلان

طريقة تحضير البسطيلة بالحوت

طريقة تحضير البسطيلة بالحوت

 

 

مقادير

بسطيلة بالحوت

* نصف كيلوا غرام ورقة البسطيلا
* 1 كليو غرام سمك الميرلا أو سمك الباجو
* 2 كيلو غرام من سمك القمرون (الجمبري)
* 1 كيلو غرام من سمك الكلمار
* ملعقتان كبيرتان من الزبدة
* ملعقتان كبيرتان من البقدونس المفروم
* نصف كأس شاي من الزيت
* ملعقة كبيرة من الملح
* نصف ملعقة صغيرة من الزعفران (ملون غذائي)
* ملعقة صغيرة من الفلفل الأسود (إبزار)
* 4 فصوص ثوم
* ملعقة كبيرة من الهيريسة (فلفلة سودانية) تضاف حسب الذوق
* 300 غرام من الشعرية الصينية
* ورقتان من ورق سيدنا موسى

طريقة تحضيربسطيلة بالحوت

* يبخر سمك الميرلا أو الباجو في الكسكاس ومن تحته طنجرة فيها لتر من الماء. وبعد أن يلين يرفع من على النار ويفرز عنه الشوك ويغسل الكلمار بوضعه في ماء ساخن لتسهيل تنقيته، ثم يقطع الى دوائر ويقشر القمرون بعد غسله بالملح والماء.

* توضع الشعرية الصينية في ماء ساخن ثم تصفى من الماء وتقطع بسكين أو بمقص.
* في طنجرة يوضع الكلمار مع الملح والثوم المدقوق والزعفران والفلفل الاسود والزيت وكأس من الماء ويطهى مدة 15 دقيقة أثناءها يوضع القمرون في مقلاة مع ملعقتين من الزبدة ويحرك جيدا.

* ترفع الطنجرة من فوق النار ويضاف إليها السمك (ميرلا أو الباجو حسب الاختيار) كما تضاف الشعرية الصنية والفلفل الحار حسب الذوق وورق سيدنا موسيى ويخلط الكل بخفة ثم تعاد الطنجرة فوق النار مع الحريك الى أن يتبخر ماؤها تماما.

* تخفق البيضتان جيدا وفي صينية الفرن الدائرية المخصصة للبسطيلا، بعد تزييتها نبسط ورقة البسطيلا على الصينية وتلصق مع بعضها بالبيض وذلك مع العناية بوضع وجه الورقة الاملس من تحت وتغطى الصينية بالورقة بحيث تبقى حواشي الورقة خارج الصينية.

* يفرش على مساحتها جميعها خليط البسطيلة بعد تبريده تماما ثم يذر عليه القمرون المهيء في مقلاة، تثنى بعد ذلك حواشي الورقات ثم تلصق بالبيض وتغطى البسطيلة بالورقة حتى تختفي الحشوة بحيث تبقى حواشي الورقة مرة أخرى خارج الصنية.

* تثنى هذه الحواشي من تحت كما يثنى غطاء السرير تحت الفراش ويدهن وجه البسطيلة بمح البيضتين الباقيتين ثم يدهن بقليل من الزبدة المذابة.

* بعد إضافة قليل من الزيت في جوانب الصينية لكي لا تلتصق بها، توضع في فرن معتدل لمدة عشرين دقيقة حتى يتورد لونها

و الصور حتوضح أكثر المراحل

  .

طريقة سهلة لطي ورقة البسطيلة على شكل صبيعات

طريقة سهلة لطي ورقة البسطيلة على شكل صبيعات بالصور

نحتاج لورق البسطيلة نقطعه على شكل مربع و الحشوة حسب الذوق

و بالصحة و الراحة