المقادير
كيلو دقيق الفورص
رابعة زنجلان محمر غير شوية و مطحون مزياااان
حتى يخرج الزيت ديالو
كاس ديال اللوز محمر و مطحون بقشوره
معلقة كبيرة قرفة
معلقة صغيرة نافع مطحون مزياااااان
شوية المسكة الحرة مدقوقة مع قبصة سكر
1 خميرة ديال الحلوة
قبصة ملح
معلقة صغيرة سمن ( اختياري )
كاس عنبة مخلط زيت عود و عادية
نصف كاس زبدة مذوبة
ربع كاس خل
شوية الزعفران شعرة
شوية الخرقوم ( اختياري فقط للون )
ماء الزهر باش تجمعي العجينة
زيت و عسل للقلي + زنجلان محمر للتزيين
تكون قاسحة شوية وتدلك مزيان حتى تنسجم العناصر كاملة
كتعمليها كويرات .. كطلقيها اما بالمدلك
أو بالآلة الخاصة للتطراق ( أنا استعملت الآلة)
السمك انتي والي عجبك و لكن من الأحسن تكون رقيقة
كتشبكيها على حساب الرغبة
قبل مانبداو القلي كنسخنو العسل غير شوية ..
كنقليو و كنطفيو فالعسل كنخليوها شوية
بين ما تشرب و نعملوها فشي حاجة تكون مثقوبة
باش تتسقطر مزيان .. كنرشوها
بالجنجلان
هاهي الحمدلله شكل جميل و مداق رائع
هادي الشباكية العادية حتا هيا نوريكم طريقة د تشباك ديالها
 |
| الشباكية |
بالصحة والراحة
عواشر مبروكة والله يدخل علينا هاد الشهر بالصحة والعافية والرزق ياربي امين
ملاحظة :
مني نساليو التشباك من الأحسن نثقبوها شوية بالابرة باش تشرب العسل وباش
مايجيوش فيها التبويقات الي غالبا كنشوفوهم فشباكية الزنقة
طريقة اخرى
شباكية هشيشة مع اسهل طريقة للتشباك بالصور
مقادير و طريقة تحضير شباكية هشيشة مع اسهل طريقة للتشباك بالصور
مقادير الشباكية
شباكية صراحة كتجي بنينا و هشيشة
زلافة
زيت لعود + زلافة زبدة دايبة +1بيض+ملعقة صغيرة خميرة العجين+زلافة لوز
محمر و مطحون+زلافة زنجلان محمر و مطحون+نصف زلافة الخل+2 كوزات+1ونص خميرا
حمرا+النافع+حبة حلوة+زلافة ماء زهر+قبصة ملح+الزعفران +زلافة
دلماء+الدقيق ف الاخير
العجينة تكون لينة لمهيم بالنسبة لحوايج لي نطحنوا ندوزوهم ف الغربال باش متقطع لينا العجينة
اليوم جبت ليكوم شكل جديد لشباكية اسهل منو ماكينش خصوصا لبنات لي مكيعرفوش لتشباك
وحاجة أخرى ان هاد الطريقة مافيهاش تمارة ومكتبقاش ليك العجينة بزاف بحال شباكية العادية ودغيا كتسالي بدون تعب جيبت ليكم
طريقة تحضير الشباكية
كنطلقوا العجينة و نقطعوا أشرطة
ونهزو شريط راس ديالو نلصقوه مزيان باش متحلش لينا ف زيت ونبداو ندورو بكل سهولة
و فالأخير نلصقوا راس دشريط مزيان
و هاهي واجدة
نقليوهوم ف زيت ملي يتحمرو شوي نرميوهم مباشرة ف لعسل و نديرو ليهم زنجلان
و بالصحة و الراحة
ليست هناك تعليقات:
إرسال تعليق